Glaner på same
stjernehimmelen som vi har heime og tankane kjem og går. Vonde tankar, gode
tankar. Alle dei lange nettene eg sat i uvisse og venta. Minna er mange frå dei
over 20 åra eg budde her. Dei set i veggane og kjem fram når ein er åleine og
tenkjer. Meditasjon, sa nokon. Javel.
Eg tenkjer også på kor mange
ukjende menneske som har vore innom i dette huset. Eg har ikkje tal. Kundane må
takast vare på, meinte mannen. Eg godtok det. Serverte kaffi og kake, slafsa over
golva for at residensen skulle sjå nokonlunde bra ut. Småprata og prøvde
besvare alle merkelege spørsmål, etter
beste evne. Som t.d. – korleis er det å ha ein gresk mann? No hadde eg ikkje
vore gift med nokon annan mann og hadde inga samanlikning. -Korleis møtte du
han? Eg svarte unnvikande. Måte på til personlege spørsmål.
Eg gløymer aldri ho som
spurte meg kva eg gjorde eigentleg. Eg vart stum. Ja, nei… eg går no her
heime. Ho spurte ikkje meir. Eg kunne sjå kva ho tenkte. 4 born leika ikring
oss. I ettertid tenkte eg på kva eg skulle ha svart. Ifrå heimen skreiv og
teikna eg skilt, menyar og plakatar til fleire hotell og tavernaer i byen. Eg
vaska og gjorde i stand ein villa for nye gjestar. Eg hadde norskundervisning
for gresk/norske born. Eg skreiv reportasjer for lokalavisa heime pluss
husarbeid som ei «heimeverande berre gjer». Mange tøffe år, men også gode, og
eg hadde ikkje ville vore dei forutan. Eg lærde utruleg mykje. Livet er ein
skule både på godt og vondt.
Καλο και κακο/kalo ke kako = godt og vondt
Ingen kommentarer:
Legg inn en kommentar