Kalendaren syner siste sommarmånad. Mørkare kveldar merkast godt. Trea
har småleg teke til å gulne. Ja, somme er heilt brune. For lite regn? Nei, invasjon av Seljebiller, seiest det.
Tydlegvis likar dei bjørka også. Sommaren har likevel vore god i år. Både sol
og regn. Bærbuskene har levert rikeleg. Grønsakene likeeins. Berre potetene
blei noko mindre enn i fjor. For turt, meinar enkelte. Likevel er det ingen
grunn til å klage. Andre stadar har det vore både varmt, og meir brennande enn
ein viss stad. Nok ein gong er vi heldigstilte. Hausten er i kjømda. Grågåsa
vender nebbet sydover og flyg i plogformasjon. Eit sikkert teikn, om enn litt tidleg, medan svalene fortsatt set på strengen og gruer
for den lange ferda. For meg er sommaren ikkje heilt over enno. Den skal vonleg forlengast ei stund til på sørlege breiddegrader. God haust!!
Χήνες και χελιδóνια /
chines kai chelidonia = gjess og svaler
Ingen kommentarer:
Legg inn en kommentar