....vekesopphaldet mitt
sist haust på Lesvos. Både greske og norske vener og bekjente
åtvara meg mot å reise dit. Masse kriminelle flyktningar, uro og
utrygt, blei sagt. Eg reiste likevel. Ville sjå og oppleve om dette
var sant. DET var det ikkje. Eg vart overvelda. Gjestmilde, blide og
imøtekomande menneske overalt. Grekerane er generelt eit godlynt
folkeslag. Eg budde nær Plomari ein drøy times
køyring til Moria.
I samtalar med lokalbefolkninga kom det fram at dei var både leie og
frustrerte over massemedia som mest hadde øydelagt levebrødet
deira. Turismen. Skandaleoppslaga og fokus på Moria-leiren gjorde at
turismen fall 70%.
-Vi kunne ikkje gjere anna
enn å hjelpe desse stakkars livredde menneska, og so skal vi bli
straffa for det!! Eg besøkte eit ektepar som hadde gjort tavernaen
sin om til «Home for all». Her blei mat laga gratis og levert til
Moria-leiren. Dei arrangerte også div. aktivitetar saman med fleire
frivillige som hadde komt til frå mest heile verda for å hjelpe.
Fantastisk. Vidare tok eg turen til Moria-leiren, men kom ikkje inn,
noko eg visste. Strengt vakthald. Eg tok nokre bilder utanfor. Vel
heimkomen skreiv eg ei reportasje som eg baud fram til 3 aviser,
sikker på at dette var aktuelt stoff. Alle avslo. Flesteparten av
tidlegare reportasjer eg har skrive har eg fått selt. No er det
katastrofe og skandalesaker som sel. Langt mellom gladnyhenda.
Unntaket er sport. Mi reportasje var positivt fokusert på øya, som
eg anser som eit heilt trygt feriemål. Skjønt siste tida har det
eskalert. I Moria-leiren bur no 20.000 menneske, kvinner, menn og
born, i ein gamal militærleir berekna på 3000 soldatar. Det er
utruleg trist og sjølvsagt ei stor liding og frustre for dei som må
opphalde seg der og ikkje kjem lenger. Eit storpolitisk maktspel der
uskuldig menneske er den tapande part. Mi von er likevel at det ikkje
går utover turismen til Lesvos, også kalla Smaragdøya, Lespeøya
og Mytilini. Eg anbefalar øya, den er enno trygg. (det greske politi
har teke jerngrep).
Ingen kommentarer:
Legg inn en kommentar