BESTEMOR EIT MILJØSVIN?

«meine Oma ist ne alte Umweltsau», bestemor er et gammelt miljøsvin (bokstavelig oversatt «miljøpurke»).

Denne setninga har eg saksa frå Aftenposten. Opprinneleg tysk. Eg reagerar som mange tyskarar: trist og urettvist å lese og høyre born synge slik. At Greta Thunberg applauderar songen seier ein del om henne, eller rettare dei som står bak.

Sjølv tenkjer eg attende på nokre gamle juleminner idet vi flerrar julepapir og sløyfer av gåvene julekvelden. Den gongen bretta vi fint saman og tok vare på dei finaste papira og sløyfene til seinare bruk. På nyåret vart skulebøkene fornya med vakre omslag, for dei var til låns og måtte ha «bend» utanpå, for å unngå slitasje. Kjøkenskap og -hyller likeså. Idag vert alt knurva og må sorterast i eigne dunkar. Det kan knapt nok brennast. Dernest tok vi vare på julematen. Ribbekrafta blei til god ballesåd, lapskaus osb. Kjøtet for fort. Kakene heldt litt lenger. Juletreet fekk stå ei stund utpå nyåret, før det vart kappa til brensel. Julepynten vart pakka varsamt nedatt til neste jul. Vi tok vare på miljøet utan å vite at det skulle bli ein trend om nokre år. Slik var vi opplærde. Og mykje meir kunne vore nemt som vi ivaretok, derfor bør fleire av dagens unge ta ein prat med oss som vaks opp for 50-60 år sidan og ikkje berre hetse oss som miljøsvin...

Η υιαυια ειναι.../I jaja einai.. bestemor er....