Dei sig snikande inn
fjorden, forbi kjøkenglaset mitt, seine kvelds- og nattestider. Ein
eim av røyk ligg etter mange, ikkje alle. Flotte, vakre skip.
Javisst! Eit syn å sjå, og flott at menneske frå heile verda vil
sjå vår unike natur. Det er dei vel unt.
Vi skal dele våre
«goder», som det heiter.
Er eg misunneleg? Kanskje
litt. Uansett hadde eg følt meg ukvem i slik luksus, ja for eg
reknar med at det må vere ein viss luksus ombord. Men kanskje desse
passasjerane har spart i årevis for ein slik tur. Vanlege menneske
som meg og deg. Kvifor skal dei ikkje nyte livet og kanskje gjere det
beste utav resten av levedagane? Kva veit eg? Eg har ingen rett til å
døme. Tenkjer berre at mange, veldig mange medmenneske kan ikkje
eingong drøyme om ein slik cruisetur. Verda er delt mellom
dårlegstilte og betrestilte menneske. Å spekulere i årsak vil eg
ikkje gjere her.
Ingen kommentarer:
Legg inn en kommentar