Agia Annas namndag 9.
desember er ein viktig dag i den greskortodokse trua. Ag. Anna var
jomfru Maria si mor. På ikon er ho gjenkjent med blå kappe. Jomfru
Maria i raudt. Anna er soleis eit vektig namn.
For mange år sidan blei
eg med mi kretiske familie til ei kirke som var via Ag. Anna. Det var
nattverd, slik det ofte er ved religiøse seremoniar der. Eg ville
slett ikkje delta. For meg står nattverd som ei svært religiøs og
seriøs handling. Eg blei likevel dytta framover i ei lang og tett
kø, heilt til eg stod framfor den gullbelagde presten. Han gav meg
eit stort brødstykke og eit lite glas vin. Eg takka og neia etter
beste evne, og han rette fram ei bleik hand som eg visste blei
forventa at eg skulle kysse. Eg ignorerte og gjekk vidare. Det vart
ei høglytt mumling frå den geistlege og i køa bak meg. Svigerfar
hadde fått med seg seansen, og tok presten for seg etter seremonien.
- Høyr her, det var svigerdottter mi du....Eg fekk ikkje med alt,
men skjøna at den gullbelagde fekk seg ei verbal overhøvling.
Svigerfar min kunne vere ganske bøs når nokon krenka stoltheita og
familien hans. Eg var usamd i mykje han hevda, men mannen hadde stor
respekt ikring seg.
Svigermor syntest historia
var morosam. Ho hadde mykje god humor. - Anna, huska du den gongen du
nekta å kysse presten, hihi! Ja, korleis kunne eg gløyme det? Eg
nemnde historia for ein ven. - Heilt rett, Anna, ein veit aldri kva
desse prestane har tukla med under kjolen, forut.
Κλισια/klisia
= kirke
Ingen kommentarer:
Legg inn en kommentar