PÅ SKULEBENKEN IGJEN

 Ahhh.. ærverdige Westerdals..for ca 37 år sidan blei eg uteksaminert herifrå. Som grafisk formgiver. Å kome tilbake var både rart og spennande. Å vere student igjen, om enn berre for to dagar, blei uansett ei givande oppleving. På så mange år var sjølvsagt mykje endra. Eit nytt bygg, andre fag, der "alt" no forgår på data, og alle mine "gamle" lærarar var heller ikkje der lenger. Om eg ikkje var den flittigaste eleven tidleg i 20-åra, klarte eg meg bra. Best likte eg akt/croquis, layout, illustrasjon, studieteikning og typografi. Reinteikning, konstruksjon og kunsthistorie var absolutt ikkje mi greie.
Kreativ skriving er eit nytt fag. Forfattar/skribent Kari Gjæver Pedersen leia kurset på ein utruleg fengslande og innlevingsrik måte. Kva eg lærte? -Kvel din indre kritiker. Bruk alle sansane. Observer. Kutt tankane. Skriv, skriv...Ord og setningar skal renne ut av fingrane. Kna teksten. Droll med orda. Slå saman ord som fenger til "amøber" og skap ei annleis setning, osb..To heile fasinerande dagar, ilag med ulike medelevar med like interesser, gav iallfall meg ny input, inspirasjon og meirsmak for kunsten å skrive.                                                                                     
 πάλι στο σχολείο/pali sto skolio = på skulen igjen