FERIE

Gavdos

Hektiske arbeidsdagar dempar skrivelysta. Fridagar, rolege formiddagar og stille i heimen gir ny skrivegiv, samstundes som lengten sørover stig proporsjonalt med sola. Ferieplanen er halvvegs i boks. Som før planlegg eg alle stadane eg skal innom, men kvar gong vert eg hefta, eller eg rett og slett orkar ikkje. Det er for godt å berre ta livet med ro..i ferien, og eigentleg er det vel derfor vi har ferie? Kreta har mange, fantastisk flotte, for meg, enno uutforska plassar.

Spinalonga

Eg vil til Krissi island, Gramvoussa og Santorini i år. Eg har vore 3 gongar på Gavdos, europa si sydlegaste øy. Backpackeren, nudisten og bohemen si øy på godt og vondt. Spinalonga har eg besøkt 2 gongar. Den vonde historia vil for alltid henge over denne vesle holmen i Eloundabukta. I sterk kontrast har Elounda for øvrig vorte kjent som eliten sin luksuriøse feriestad. 

Santorini besøkte eg ein gong på 70-talet og tida er inne for ein ny tur. Her er det svindyrt, seiest det, men likevel verdt eit besøk. Frå Kreta går det båt dit fleire gongar i veka. Kvifor har eg ein dragning mot øyar, forresten? Har ofte lurt på det. Fordi eg kjem frå ei øy? Kanskje.. Hellas er iallfall eit tusen øyars land og utruleg spennande å utforske i så måte. Iflg. Smp. av 17.02., vil 300 000 nordmenn besøke landet denne sesongen. Det er bra for folket som i stor grad er avhengig av turismen. Sykkel- og fotturar sel mest, står det å lese. Her har Kreta mykje å by på. Vil tru at ingen gresk øy er so variert og kontrastfyllt som nettopp Kreta. Vi gler oss…

DIAKOPES = FERIE