Vonde minner frå skuletannpleien let seg ikkje lett slette.
Ein komfortabel og polstra stol forfører meg ein augneblink inn i ei behageleg
draumeverd, til eg opnar augene mot ei gedigen sol og høyrer klangen av kalde
instrument som skal mekke på tanngarden min. Fingrane krummar seg kring
armlenet, kroppen inntek forsvarsstilling: eg gjer meg klar til langvarig
smertekamp. Det susar i skyljekoppen. På avlastningsbordet ligg ein skarp og
ekkel heklekrok, eitpar rørforma bomullsdottar og ein minispegel på skaft. Inga
sprøyte, heller ingen skarp skalpell. Eg andar letta. Stikking og skjering har
eg opplevd nok av på kroppen, og avskyr det. Eg startar teljinga av takbrikkene
og overlet kjevepartiet til spesialisten. Papirsmekka hektast kring halsen. Eit
benda sugerør av hard plast vert plassert i munnhola og gneg gommane til blods,
samt syg åt seg alt av slev og luft i ein livredd skrott. Det tek ikkje lange
stunda, men verkar som ei eve. Lysbilda syner heldigvis null hol. Eg får
faktisk litt skryt. Her skal det pussast og tanntrådast..fortsatt.
ODONTOGIATROS = TANNLEGE
Ingen kommentarer:
Legg inn en kommentar