Καιρός/kairos = ver
lørdag 8. oktober 2022
VER OG MEIR
Hausten er
her med mykje ver. Vind og regn. Vi er vane med det her ikring og innrettar
oss, kanskje mest inne. Desse mørke månadane har også sin sjarm med fyr i
omnen, levande lys, boklesing, strikking og kva det no måtte vere ein ikkje har
tid til sommarstid. Likevel kjenner eg for kvart år at denne årstida tærer på
sinn og skinn. Og verst er skodda som dekkjer halve fjellet med si grå og våte
tyngde. Humøret vert dermed deretter og den kalde nordavinden gjer det ikkje so
mykje betre. Tore og lyn kan vere fasinerande, eg er ikkje redd, men veit at
det kan vere farleg også. Nei, då likar eg betre sørvesten. Den er varmare og
fører ofte med seg regn som hamrar på tak og vindauge. Då søv eg godt. Men når
eg ikkje får sove, brukar eg nattemørkret til å tenke, filosofere, skrive.. Fleire søkjer sørover denne tida. Eg
også. Er privilegert soleis. Sola skin oftare der enn her. Frost og blankis er
framandord i sydlegare strøk. Derfor reiser eg til min andre heim snart.
Abonner på:
Legg inn kommentarer (Atom)
Ingen kommentarer:
Legg inn en kommentar