NYTTÅRSYNSKJE

Stund for ettertanke, minner og sjølvransaking, ny von og gode ynskjer…som i fjor på denne dag. Gjekk fjoråret sine ynskjer i oppfylling? Både ja og nei. Året har vore både vondt og godt. Surrealistisk. Eg kan ikkje minnest at bygda har mista so mange nære og kjende på eitt år. Rart og vondt for mange, meg sjølv inkludert. Oppi det heile fyltes vi også med glede som berre eit nytt lite barn kan gi. Vesle Anna kom til oss i slutten av april, og eg kunne dermed telje 3 borneborn. Slekt og vener elles har også hatt familieauke. Glede. Reising har det vore lite av, men eit Kreta-opphald i september-oktober blei det. Ikkje akkurat ferie, meir som ei naudsynt «arbeidsreise». Siste månadane har gått utruleg fort, og mine ynskjer på denne siste års-kvelden er som kvart år: fred på jord og respekt for medmenneske som er annleis og gjer annleis livsval utanom folkemassen. Måtte alle gode ynskjer som vert sendt mot himmelen ikveld, bli oppfylte.

Godt nytt år til dykk alle!!

 Καλη χρονια σε ολους/kali kronia se olous = godt nytt år til alle