Eg hadde gledd meg til å
gå barføtt på nyspira, vårgrønt gras, denne tidlege vårdagen.
Gleda fekk ein brå slutt. Eg glei på noko glatt og sleipt, og det
var ikkje siste isklumpen frå seinvinteren. Der eg låg på enden og
fekk nærkontakt med saftigt, lysegrønt gras, oppdaga eg mildt sjokka at
plenen var invadert av ekle, små brune sneglar. Akk, har dei kreka
seg hit også no, mumla eg sur og sint for meg sjølv. Ja, det var
vel berre eit tidsspørsmål, ettersom «alle» andre har dei. Etter
å ha stabla meg på føtene att, innsåg eg at grep måtte takast.
Utstyrt med hanskar og kjøken-papir gjekk eg til angrep. Dei var
ikkje vanskelege å finne i det doggvåte graset. Ei heller stakk dei
fort av når dei ensa fare. Eg fekk dermed samla ein heil hær av
inngriparane.
Vårmorgonane er enno
hustrige på våre kantar. Vedomnen var fyrt opp. Den fekk uvant
påfyll denne morgonen. Men sant å seie so avgir ikkje kremerte
sneglar den beste varmen. Dei fekk iallfall ein «lun» daude, om
ein kan seie det slik. (Vonar berre ingen melder meg til
dyrepolitiet, hysj..)
κακος
χοχλιος/ kakos koklios = Ekle sneglar
Ingen kommentarer:
Legg inn en kommentar