KRETISK BONDEFERIE

Min avlidne svigerfar sitt stolte livsverk ligg no brakk. Ein fleire måls stor vingard som han hegna om og ivaretok med tolmod og kjærleik. Tistel og ugras tek fort over her, men kan også lett bekjempast om ein har rette redskapane og interesse for å dyrke jorda. Vår eigen vesle vingard, nedfor huset vert pløgd og stelt av min gode svoger. I desse dagar har eg overteke finarbeidet. Bittesmå drueklasar er i emning og nysprotne skot må knekkast i 3. ledd over fruktene for å gi kraft til

avlinga. Dette, og mykje anna,  lærte eg av mi kjære svigermor. Og sauene kosar  seg med saftiggrøne avknekte vinblad. Νabohønene, som går fritt sjølvsagt, får kjøkenavfallet mitt, og kvitterar med varme, brune, smakfulle egg. Εg plukkar aprikoser,  moreller og plommer frå tre som slett ikkje treng noko stell, og noterar at fikentrea vil bere mykje frukt i august. Heile året er fruktbart her på Kreta. Vårherre har i sanning vore raus då Han skapte 

denne unike øya.

ABELI = VINGARD, STAFILIA = DRUER