4 firkløver

...og ein 5-kløver, fann eg i veggrøfta på min korte morgontur.  Må bli 4-dobbel lukke idag då, tenkte eg. Kva 5-kløveren tyder, veit eg faktisk ikkje. Den er iallfall meir sjelden, og blei også plukka. Eg tok til å fundere litt på kva  lukke eigentleg er? Denne gode kjensla ein får ofte eller innimellom. Ofte tek eg meg i å studere katten. Han verkar lukkeleg. Rullar seg fram og attende på ryggen, eller gnir seg inntil føtene mine og purrar av pur...ja pur lukke over slett ingenting - berre  over å vere til. Livslukke. Og det er smittsamt. Eg vert også glad over å sjå denne ubetinga lukka berre ein katt kan uttrykkje.

 Å vere prissett er også ei lukke. Anten for ei utført oppgåve, ei god gjerning eller berre for å eksistere, og å ha nokon som elskar ein uansett. Om det så er berre ein katt, eller ein hund eller...Vår eiga lukke smir vi berre sjølve. Det trur eg på. Lukke til !!